Juventus për 100 milionë euro transferon Ronaldon

ROMA (AA) - Ekipi italian Juventus do t'i paguajë 100 milionë euro Real Madrid-it për yllin portugez Cristiano Ronaldo, transmeton Anadolu Agency (AA).

Në njoftimin e bërë nga klubi Juventus, thuhet se Juventus brenda dy viteve Real Madrid-it do t'i paguajë klauzolë prej 100 milionë euro, ndërsa në kuadër të rregullave të FIFA-s do të bëjë edhe një pagesë shtesë prej 12 milionë eurosh.

Juventus arriti marrëveshje katër vjeçare me 33 vjeçarin Ronaldo, i cili deri më tani ka fituar pesë herë çmimin Ballon d'Or.

Sipas mediave italiane ylli portugez do të fitojë 30 milionë euro për sezonë.

Ronaldo është golashënuesi më i mirë në historinë e Real Madridit, fanelën e të cilit e ka veshur prej vitit 2009, me 451 gola në 438 ndeshje.