Emre Aşıkçı
28 Shtator 2025•Përditësim: 30 Shtator 2025
Marc Marquez nga skuadra “Ducati Lenovo” fitoi të dielën titullin e tij të shtatë kampion bote në MotoGP, transmeton Anadolu.
Gara e 17-të e sezonit në eventin më të rëndësishëm të garave me motorë u zhvillua me 24 xhiro në pistën Motegi në Japoni.
Marquez përfundoi i dyti pas shokut të tij të skuadrës, Francesco Bagnaia, i cili përfundoi garën me kohë 42 minuta e 09,312 sekonda.
Piloti spanjoll përfundoi 4,196 sekonda pas Bagnaias, ndërsa Joan Mir i ekipit “Honda HRC Castrol”, gjithashtu nga Spanja, mori vendin e tretë, 6,858 sekonda pas liderit.
Pavarësisht se përfundoi si nënkampion në këtë garë, Marquez siguroi titullin e shtatë kampion bote në karrierën e tij, duke u barazuar me legjendën italiane të motoçiklizmit Valentino Rossi.
Marquez shpërtheu në lot pas triumfit, duke thënë: “Është e pamundur madje të flas. Dua vetëm të shijoj këtë moment. Ishte vërtet e vështirë, ishte jashtëzakonisht e vështirë, por tani jam në paqe me veten time”.
Gara e 18-të e sezonit, Çmimi i Madh i Indonezisë, do të zhvillohet më 5 tetor.
Top 5 pilotët në renditjen e MotoGP-së:
Marc Marquez (Spanjë) – 541 pikë
Alex Marquez (Spanjë) 340 pikë
Francesco Bagnaia (Itali) – 274 pikë
Marco Bezzecchi (Itali) – 242 pikë
Franco Morbidelli (Itali) – 196 pikë
