Ramos shënoi golin e 100-të për Real Madridin

Kapiteni i Real Madridit, Sergio Ramos ka hyrë në ekipin spanjoll të futbollit me 100 gola pas shënimit të golit nga ana e tij në ndeshjen e së martës kundër Interit, transmeton Anadolu Agency (AA).

Ramos, 34-vjeçar, është një veteran i vërtetë i Real Madridit, duke luajtur për Los Blancos që nga viti 2005.

Një ish-lojtar i Sevillas, Ramos ka 659 paraqitje në karrierën e tij 15-vjeçare për Realin.

"Jo çdo ditë shënoni golin tuaj të 100-të dhe aq më tepër kur jeni mbrojtës. Shënuam një fitore jetike", tha Ramos pas fitores.

Ai shënoi me kokë golin e tij të 100-të për Realin.

Gjiganti spanjoll të martën fitoi kundër Interit me 3-2 në ndeshjen e Grupit B të UEFA Ligës së Kampionëve në Madrid, ku Ramos shënoi golin e dytë për ekipin e tij.

Duke arritur 100 gola për Realin, Ramos u barazua me sulmuesin në pension, Fernando Morientes.

Morientes 44-vjeçar, kaloi 8 sezone në Real Madrid për të shënuar 100 gola në 272 paraqitje.