Forcat izraelite arrestojnë 16 palestinezë në Bregun Perëndimor

JERUSALEM (AA) – Forcat izraelite në rajone të ndryshme të Bregut Perëndimor kanë arrestuar 16 palestinezë, raporton Anadolu Agency (AA).

Në deklaratën e ushtrisë izraelite, njoftohet se nga bastisjet të kryera në qytetet Cenin, Nablus, Ramallah dhe El-Halil të Bregut Perëndimor ushtarët izraelitë kanë arrestuar 16 persona.

Gjithashtu në deklaratë thuhet se është kryer bastisje ndaj shtëpive të 3 palestinezëve në lagjen Kubatiye të qytetit Cenin, të cilët janë vrarë me pretendimet se kanë sulmuar ushtarët izraelitë.

Nga ana tjetër, në deklaratën e Komitetit të të Burgosurve Palestinezë theksohet se forcat izraelite në vitin 2015 kanë arrestuar 6 mijë 830 palestinezë.