Indi, mijëra persona të prekur nga ethet tropikale

ANKARA (AA) – Në qytetin Kotkapura të Indisë gjatë dy javëve të fundit mijëra persona janë paraqitur në spital për shkak të etheve tropikale, transmeton Anadolu Agency (AA).

Sipas mediave lokale, më shumë se 5.000 persona, shumica prej tyre nxënës të shkollave në qytet dhe persona që punojnë nëpër zyra, janë paraqitur në spital me ankesa të etheve tropikale.

Zyrtarët njoftojnë se ky virus është identifikuar në 532 persona.

Rastet e regjistruara të etheve tropikale në këtë qytet kanë arritur në nivelin më të lartë gjatë 5 viteve të fundit.

Ekipet speciale në rajon kanë bërë dezinfektim në ndërtesa, shkolla dhe shtëpi.

Si pasojë e etheve tropikale në gjithë shtetin këtë vit kanë humbur jetën më shumë se 100 persona.

Ethet tropikale

Virusi i etheve tropikale (Dengue Fever) i infekton njerëzit me anë të mushkonjave. Sëmundja e cila pas periudhës së inkubacionit shkakton temperaturë të lehtë trupore, në disa raste mund të jetë edhe vdekjeprurëse.

Rastet janë në rritje në periudhat të cilat njihen si stinët e reshjeve, qershor-shtator dhe dhjetor-mars. Shkencëtarët thonë se temperaturat e larta dhe reshjet të cilat zgjasin gjatë kohë shkaktojnë rritjen e mushkonjave të cilat kanë ethe tropikale.

Lloji i mushkonjave të cilat shkaktojnë këtë sëmundje, për shkak se krijojnë larva në pellgje dhe vendgrumbullim mbeturinash veçanërisht në pjesët industriale gjithmonë duhet të spërkaten me ilaç.