Koreja e Veriut lançoi dy raketa balistike në Detin Lindor

Koreja e Veriut lançoi dy raketa balistike me rreze të shkurtër veprimi në Detin Lindor, transmeton Anadolu.

Agjencia e Lajmeve e Koresë së Jugut Yonhap tha se lançimi i raketave janë reagim i dukshëm kundër stërvitjeve të përbashkëta ushtarake të kryera nga Koreja e Jugut dhe SHBA-ja.

Ushtria e Koresë së Jugut tha se detektoi lançimet rreth orës 23:40 dhe 23:50 sipas kohës lokale.

Raketat thuhet se udhëtuan rreth 360 kilometra përpara se të binin në ujëra ndërkombëtare.

Agjencia tha se autoritetet e inteligjencës së SHBA-së dhe Koresë së Jugut po kryejnë analiza të mëtejshme mbi incidentin.